an abstract photo of a curved building with a blue sky in the background

B.Ed TAMIL

தமிழ் கற்பித்தல் – பாடத்திட்டம்

பாடத்தின் நோக்கங்கள்

இப்பாடம், எதிர்கால தமிழ் ஆசிரியர்களின் கற்பித்தல் அறிவு, திறன் மற்றும் தொழில்முறை திறனை மேம்படுத்தும் வகையில் அமைக்கப்பட்டுள்ளது. இதன் மூலம் மாணவர் ஆசிரியர்கள்:

  • தமிழ் மொழிக் கற்பித்தலின் நோக்கங்கள் மற்றும் முக்கியத்துவத்தைப் புரிந்துகொள்ளுதல்.

  • பயனுள்ள தமிழ் கற்பித்தல் திறன்களை வளர்த்துக்கொள்ளுதல்.

  • பல்வேறு கற்பித்தல் அணுகுமுறைகளைப் பயன்படுத்தக் கற்றுக்கொள்ளுதல்.

  • தமிழ் கற்பித்தலுக்கான பல்வேறு முறைகளை அறிந்து பயன்படுத்துதல்.

  • நவீன கற்பித்தல் ஊடகங்கள் மற்றும் தொழில்நுட்பங்களை திறம்படப் பயன்படுத்தும் திறனைப் பெறுதல்.


அலகு 1: தமிழ் கற்பித்தலின் நோக்கங்களும் குறிக்கோள்களும்

தமிழ் மொழிக் கற்பித்தலின் அடிப்படைகள், நோக்கங்கள் மற்றும் குறிக்கோள்கள்; ஒழுக்கநெறி, சமூக மேம்பாடு மற்றும் இறையுணர்வு சார்ந்த விழுமியங்கள்; கற்பித்தல் நோக்கங்கள் மற்றும் நடத்தைக் குறிக்கோள்கள்; தமிழ் கற்பித்தலின் தேவை மற்றும் முக்கியத்துவம் ஆகியவை இவ்வலகில் இடம்பெறுகின்றன. மேலும், புளூமின் வகைமைநெறி அடிப்படையில் அறிவுக்களம், உணர்வுக்களம் மற்றும் உளஇயக்கக் களம், அத்துடன் ஆண்டர்சன் மற்றும் கிரத்வால் ஆகியோரின் திருத்தப்பட்ட வகைமைநெறியும் அறிமுகப்படுத்தப்படுகிறது.

அலகு 2: கற்பித்தல் திறன்கள்

நுண்ணிலைக் கற்பித்தலின் பொருள், வரையறை, படிநிலைகள் மற்றும் சுழற்சி ஆகியவற்றுடன் பல்வேறு அடிப்படை கற்பித்தல் திறன்கள் இவ்வலகில் கற்பிக்கப்படுகின்றன. தொடங்குதல், விளக்குதல், வினாக்கள் எழுப்புதல், பல்வகைத் தூண்டல், வலுவூட்டல், கரும்பலகைப் பயன்பாடு, முடித்தல், உற்றுநோக்கல் மற்றும் இணைப்புப்பாடம் போன்ற திறன்கள் பயிற்சியின் மூலம் வளர்க்கப்படுகின்றன. நுண்ணிலைக் கற்பித்தலுக்கும் வகுப்பறைக் கற்பித்தலுக்கும் இடையிலான வேறுபாடுகளும் விளக்கப்படுகின்றன.

அலகு 3: கற்பித்தல் அணுகுமுறைகள்

பாடம் கற்பித்தல் திட்டமிடலின் அணுகுமுறைகள், அவற்றின் முக்கியத்துவம் மற்றும் கற்பித்தலின் பல்வேறு படிநிலைகள் இவ்வலகில் இடம்பெறுகின்றன. நினைவக நிலை – ஹெர்பார்டியன் மாதிரி, புரிதல் நிலை – மோரிசன் கற்பித்தல் மாதிரி, பிரதிபலிப்பு நிலை – பிக்கி & ஹண்ட் கற்பித்தல் மாதிரி ஆகியவை அறிமுகப்படுத்தப்படுகின்றன. பாடத்திட்டத் திட்டம் மற்றும் அலகுத்திட்டம் தயாரிக்கும் முறைகளும் கற்பிக்கப்படுகின்றன.

அலகு 4: கற்பித்தல் முறைகள்

ஆசிரியர் மைய மற்றும் மாணவர் மையக் கற்பித்தல் முறைகள் குறித்து இவ்வலகு விளக்குகிறது. விரிவுரை, பகுத்தறி, தொகுத்தறி, விதிவரு, விதிவிலக்கு மற்றும் செயல்விளக்க முறைகளுடன் கருத்தரங்கம், பட்டிமன்றம், குழு விவாதம், குழு கற்பித்தல், செயல்வழிக் கற்றல், படைப்பாற்றல் கல்வி, மனவரைபடம் மற்றும் கெல்லர் திட்டம் போன்ற நவீன கற்றல் முறைகளும் அறிமுகப்படுத்தப்படுகின்றன.

அலகு 5: கற்பித்தல் ஊடகங்கள்

கற்பித்தல் ஊடகங்களின் வகைகள் மற்றும் வகுப்பறைக் கற்பித்தலில் அவற்றின் பயன்பாடு இவ்வலகின் முக்கிய அம்சமாகும். மின்-கற்றல், தகவல் தொடர்பு செயற்கைக்கோள், மொழிப் பயிற்றாய்வகம், செயற்கை நுண்ணறிவு (AI), Augmented Reality (AR), Blended Learning, இணைய நூலகம் மற்றும் Virtual Reality (VR) போன்ற நவீன கல்வித் தொழில்நுட்பங்கள் அறிமுகப்படுத்தப்படுகின்றன.

பரிந்துரைக்கப்பட்ட செயல்பாடுகள்

  • தமிழ் மொழிக் கற்பித்தலின் நோக்கங்கள் மற்றும் குறிக்கோள்கள் குறித்து கலந்துரையாடுதல்.

  • பல்வேறு கற்பித்தல் திறன்களுக்கான பயிலரங்குகள் மற்றும் நடைமுறைப் பயிற்சிகளில் பங்கேற்பது.

  • பல்வேறு கற்பித்தல் அணுகுமுறைகளின் அடிப்படையில் பாடத்திட்டம் மற்றும் அலகுத்திட்டம் தயாரித்தல்.

  • கற்பித்தல் முறைகள் குறித்து ஆசிரியர்கள் மற்றும் கல்வி வல்லுநர்களின் கருத்துரைகளைப் பெறுதல்.

  • மொழி ஆய்வகங்களில் நவீன கற்பித்தல் ஊடகங்கள் மற்றும் தொழில்நுட்பங்களைப் பயன்படுத்திப் பயிற்சி பெறுதல்.

B.Ed Syallabus

Download

Start Your Teaching Career

Apply for Admissions 2026–27 at Lisieux College of Education today.

Enquire Now